Sombat Metaneeតារាភាពយន្តថៃដ៏ល្បីល្បាញទទួលមរណៈភាពនៅអាយុ៨៥ ឆ្នាំ
តារាសម្ដែង និងសិល្បករជាតិថៃដ៏ល្បីល្បាញដែលខ្មែរជំនាន់មុនស្គាល់គ្រប់ៗគ្នា លោក Sombat Metanee(សំបាត់ មេថានី) បានទទួលមរណៈភាពអំឡុងពេលលោកទទួលទានដំណេកនៅលំនៅដ្ឋានរបស់លោកក្នុងទីក្រុងបាងកក ប្រទេសថៃ នៅអាយុ៨៥ឆ្នាំ។ មិត្តសម្លាញ់និងជាមិត្តរួមអាជីពលោកស្រី Suda Chuenban អាយុ៧៧ឆ្នាំ ដែលជាប់ឈ្មោះជាសិល្បករជាតិថៃមួយរូបផងដែរបានសរសេរដំណឹងមរណៈភាពរបស់លោកSombat Metanee លើគេហទំព័រហ្វេសប៊ុករបស់លោកស្រី។ លោកស្រី Suda លើកឡើងថា លោក Sombat Metanee ទទួលមរណៈភាពនៅលំនៅដ្ឋានរបស់លោកនៅព្រឹកថ្ងៃព្រហស្បតិ៍។ បណ្តាបណ្តាញសារព័ត៌មានថៃរាយការណ៍ថា...
តួអង្គវីរបុរសThe Flashស្វែងរកការព្យាបាលជំងឺផ្លូវចិត្តក្រោយបង្កើតបញ្ហាចម្រូងចម្រាស់
ក្រោយកើតមានបញ្ហាចម្រូងចម្រាស់យ៉ាងវក់វីច្របូកច្របល់ តារាភាពយន្តអាមេរិកលោក Ezra Millerដែលសម្តែងជាតួអង្គវីរបុរសThe Flash និយាយថាលោកស្វែងរកការព្យាបាលបញ្ហាសុខភាពស្មារតី។ តារាភាពយន្តរូបនេះបានបញ្ចប់ភាពស្ងប់ស្ងាត់ លើបញ្ហាអាកប្បករិយាដ៏មានបញ្ហារបស់ខ្លួនដែលកើតឡើងនៅប៉ុន្មានឆ្នាំចុងក្រោយនេះ ហើយបានចេញការសុំទោសដល់ការប្រព្រឹត្តិកន្លងទៅរបស់ខ្លួនផងដែរ។ តារាភាពយន្ត Millers និយាយជាមួយសារព័ត៌មាន Varietyថា«ឆ្លងកាត់វិបត្តិដ៏តឹងតែងនៅរយៈចុងក្រោយនេះ ឥឡូវខ្ញុំយល់ថា ខ្ញុំមានបញ្ហាសុខភាពស្មារតីហើយត្រូវស្វែងរកការព្យាបាល» ។ «ខ្ញុំចង់សុំទោសទៅអ្នកគ្រប់គ្នាដែលខ្ញុំបានបង្កបញ្ហា ធ្វើអោយមិនសប្បាយចិត្ត ដោយសារអាកប្បកិរិយានាពេលកន្លងមករបស់ខ្ញុំ។ ខ្ញុំត្រូវធ្វើការងារចាំបាច់ដើម្បីអោយសុខភាពស្មារតីរបស់ខ្ញុំវិលត្រលប់មកប្រក្រតីមានសុខភាពល្អឡើងវិញ មានសុវត្ថិភាព និងសកម្មនៅក្នុងជីវិត»។ តារាភាពយន្ត Millers...
ការងារជាអគ្គនាយកTVB ធ្វើឲ្យ Eric Tsang រកចំណូលបានតិចជាងសម្តែង
តារាភាពយន្តជើងចាស់ទីក្រុងហុងកុង លោក Eric Tsang ក្នុងកិច្ចសម្ភាសន៍មួយជាមួយសារព័ត៌មានក្នុងស្រុកបាននិយាយប្រាប់ថា កាលពីលោកនៅអាយុ៦៨ឆ្នាំ លោកត្រូវបានតែងតាំងជាអគ្គនាយករងទូរទស្សន៍TVB ហើយក៏មានការលើកឡើងជាច្រើនថា ទូរទស្សន៍ហុងកុងដ៏ល្បីល្បាញមួយនេះមានបញ្ហាហិរញ្ញវត្ថុ។ ពេលនោះមិនមានអ្នកជឿជាក់លើសមត្ថភាពរបស់តារាភាពយន្តជើងចាស់រូបនេះឡើយចំពោះកាតព្វកិច្ចដ៏ធំនេះ។ នៅប្រហែល៨ខែក្រោយមក Eric ត្រូវបានតំឡើងឋានៈជាអគ្គនាយកទូរទស្សន៍TVB បន្ទាប់ពីមានដំណឹងលេចឡើងមកថាលោកបានស្តារទូរទស្សន៍មួយនេះបានប្រសើរឡើងវិញ។ តារាភាពយន្តជើងចាស់ទីក្រុងហុងកុង លោក Eric Tsang ក៏បានបង្ហើបប្រាប់ផងដែរពីមូលហេតុដែលលោកទទួលយកការងារដែលមានការទទួលខុសត្រូវដ៏ធំមួយនេះ នៅពេលលោកមានអាយុច្រើនទៅហើយ។ ក្នុងកិច្ចសម្ភាសន៍ Eric លើកឡើងថា គ្រប់គ្នាប្រហែលគិតថាលោកសប្បាយរីករាយនិងមុខតំណែងបន្ទាប់មកក៏លាឈប់។...
ពេជ្រ សូលីកា បង្ហោះសារព្រមានដល់មនុស្សម្នាក់
មហាជនច្បាស់ជាបានជ្រាបរួចមកហើយ អំពីទំនាក់ទំនងប្ដីប្រពន្ធអ្នកនាង ពេជ្រ សូលីកា ដោយកាលពីពេលថ្មីៗនេះពួកគេ ទើបតែបានប្រកាសចែកផ្លូវគ្នា ប្រែក្លាយចំណងប្ដីប្រពន្ធទៅមិត្តភ័ក្ដបន្តរាប់អានគ្នា និងខិតខំធ្វើជាឪពុកម្ដាយដ៏ល្អរបស់កូនប្រុស ដែលមានអាយុ១ឆ្នាំនោះ ។ បើទោះជាយ៉ាងណា បន្ទាប់ពីការប្រកាសចែកផ្លូវគ្នារហូតមកដល់ពេលនេះ គេមិនដែលឃើញ ពេជ្រ សូលីកា បង្ហាញសកម្មភាពពិបាក់ចិត្តអ្វីនោះឡើយ ពោលគឺនៅលើបណ្ដាញសង្គមរបស់នាងមានតែការលើកទឹកចិត្តខ្លួនឯងប៉ុណ្ណោះ និងបំពេញការងារធម្មតារហូតធ្វើឱ្យមនុស្សមួយចំនួនគិតថា នាងជាស្ត្រីរឹងមាំម្នាក់ថែមទៀត ។ មិនតែប៉ុណ្ណោះ ពេជ្រ សូលីកា ក៏មិនបាននិយាយវ៉ែកញ៉ែកហែកហួររឿងគ្រួសារនៅលើបណ្ដាញសង្គមឡើយ...
តារាស្រីថៃល្បីឈ្មោះPinkyជាប់ពន្ធនាគារករណីឆបោកប្រាក់ជាង៥៣លានដុល្លារគ្មានការធានាខ្លួននៅក្រៅឃុំ
ក្រុមគ្រួសារតារាស្រីថៃល្បីឈ្មោះ នាង Savika Chaiyadej ឬនាង “Pinky” មានរូបនាង និងអ្នកម្តាយរបស់នាងគឺលោកស្រី Sarinya Chaiyadej ហើយនិងបងប្រុសរបស់នាងលោក Surayuth Chaiydej ត្រូវប៉ូលីសថៃចាប់ខ្លួនបញ្ជូនទៅពន្ធនាគាកាលពីថ្ងៃព្រហស្បតិ៍ ពាក់ព័ន្ធនឹងករណីឆបោកលុយតាមគម្រោង Forex-3D ។ ពួកគេទាំង៣នាក់នេះ ស្ថិតនៅក្នុងចំណោមមនុស្ស១៩នាក់ដែលប៉ូលីសថៃបានចាប់ខ្លួនកាលពីថ្ងៃព្រហស្បតិ៍។ ចំពោះករណីឆបោក របស់តារាស្រីថៃ នាង “Pinky” រូបនេះផងដែរ...
ពិធីករ សុខ រ៉ាស៊ី ហួសចិត្តព្រោះមាននារីម្នាក់ទាញឲ្យពាក់ព័ន្ធរឿងបំណុល
ពិធីករលោក សុខ រ៉ាស៊ី ថ្មីៗនេះបានបង្ហាញវីដេអូមួយ ដែលរូបលោកបានជជែកគ្នាយ៉ាងតឹងសរសៃកជាមួយនារីជាអ្នករកស៊ីចងការប្រាក់តាមអនឡាញម្នាក់ បន្ទាប់ពីនារីរូបស្រស់នោះបានទាញរូបលោកចូលទៅពាក់ព័ន្ធរឿងបំណុលចំនួន៣៥០ដុល្លារ។ ផ្អែកតាមខ្លឹមសារនៃការសន្ទនាគ្នានោះបានឲ្យដឹងថា នារីម្នាក់ជាអ្នករកស៊ីចងការប្រាក់តាមអនឡាញនោះ បានយល់ព្រមផ្ដល់ប្រាក់កម្ចីរបស់នារីម្នាក់ឈ្មោះ ឆើត ឆាយ ចំនួន៣៥០ដុល្លារ ដោយគ្រាន់តែនារីម្នាក់នោះអះអាងថា បានស្គាល់លោក សុខ រ៉ាស៊ី ដែលជាពិធីករល្បីឈ្មោះ ដោយពុំមានការឯកភាពពីសាមីខ្លួនឡើយ។ អ្នកចងការប្រាក់តាមអនឡាញបានព្យាយាមទាញពិធីករ សុខ រ៉ាស៊ី ទៅពាក់ព័ន្ធក្នុងបំណុលនោះ ដោយសុំឲ្យលោកជួយទាក់ទងទៅនារីជាកូនបំណុល ព្រោះនាងមិនអាចទាក់ទងបាន។...
តារាសម្ដែង ស៊ីន ឌី ៖ ពង្រឹងសម្អាងការ និងគ្លីនិក ខណៈបន្ដធ្វើសប្បុរធម៌ដល់ភេ.ទទី.៣
ភ្នំពេញ៖ ស៊ីន ឌី ដែលត្រូវបានគេស្គាល់ច្បាស់ថាជាតារាសម្ដែងលេងតួភាគច្រើនជាខ្មោច ព្រាយបិសាច នោះបានផ្អាកពីអាជីពសិល្បៈជាច្រើនឆ្នាំមកហើយដោយសារតែលោកមមាញឹកគ្រប់គ្រងហាងNk សាឡាន តំណើរការជិត២០ឆ្នាំមកហើយនិងមានទីតាំងនៅ៤ផ្សេងគ្នាក្នុងក្រុងភ្នំពេញនោះបានអះអាងថាក្រោយស្ថានភាពកូវីដ កាន់តែថមថយនេះលោកបានដាក់គោលដៅពង្រឹងអាជីវកម្ម២ផ្សេងទៀតរបស់លោកឲ្យតំណើរការទៅមុខទៀតគឺស៊ីន ឌី សម្អាងការ ដែលមានទីតាំងនៅទួលគោក និងហាងកែសម្ផស្សក្លារា(Clara Clinic)នៅក្បែរស្ដុបស្ពានអាកាសផ្សារដីហើយ។លោកថាអំឡុងកូវីដផ្ទុះខ្លាំងហាងសម្អាងការរបស់លោកពិបាកទប់លំនឹងតែដោយសារតែចិត្តស្រលាញ់សម្លៀកបំពាក់ប្រពៃណីរបស់ខ្មែរនិងចង់អភិរក្សគ្រឿងអលង្ការបុរាណទើបលោកនៅតែពុះពារឲ្យហាងមួយនេះនៅតែតំណើរការរហូតដល់សព្វថ្ងៃ ខណៈដែលសម្អាងការលោកមានកញ្ចប់តម្រូវតាមភ្ញៀវគ្រប់លំដាប់ដែលចង់បានហើយតាំងពីខែកក្កដា ឆ្នាំ២០២២ ចាប់ផ្ដើមមានអតិថិជនឡើងវិញ។ដោយឡែកសម្រាប់គ្លីនិកវិញលោកថាភ្ញៀវគ្រប់ប្រភេទចូលទៅគាំទ្រសេវ៉ាកម្មព្រោះហាងលោកមានផលិកតផលល្អ និងគ្រូពេទ្យជំនាញមានឯកទេសត្រឹមត្រូវ ទើបធ្វើឲ្យចុងក្រោយនេះលោកសង្កេតឃើញថាអ្នកដែលចូលចិត្តកែសម្ផស្សនៅក្រៅស្រុកបានមានទំនុកចិត្តងាកមកធ្វើនៅក្នុងស្រុកវិញម្ដង។ ប៉ុន្ដែនៅពេលសួរថាតើអាជីវកម្មទាំង៣ខាងលើរបស់លោកតំណើរការព្រមគ្នាបែបនេះត្រូវចំណាយទុនអស់ទឹកប្រាក់ប៉ុន្មាននោះលោកស៊ីន ឌី មិនប្រាប់ទិន្នន័យឡើយ តែលោកថាការគ្រប់គ្រងហាង៣ក្នុងពេលតែមួយធ្វើឲ្យលោកមិនអាចដកឃ្លាវិលទៅសម្ដែងភាពយន្ដដួចមុនទៀតឡើយ ព្រោះរើរខ្លួនមិនរួច។...
ទីបំផុត! នាយចឺម ចេញមុខប្រតិកម្មចំពោះពាក្យចោទថា”សាវ៉ា”
បន្ទាប់ពីបានផ្លាស់ប្ដូរដៃគូស្នេហាពីម្នាក់ទៅម្នាក់នាពេលកន្លងមក តារាចម្រៀងលោក សុខ មេសា ហៅនាយ ចឺម ត្រូវបានមហាជនដាក់រហ័ស្សនាមថា ជាប្រុសសាវ៉ា។ ជាពិសេសក្រោយរឿងរ៉ាវស្នេហាជាមួយអ្នកនាង សេង សុឃីម កាលពីពេលថ្មីៗនេះ បានធ្វើឲ្យមានការវែកញែក និងបានចោទប្រកាន់កាន់តែខ្លាំងចំពោះតារាចម្រៀងដែលមានប្រភពចេញពីអ្នកកំប្លែងរូបនេះ។ ទោះបីជាមានការចោទប្រកាន់ពីសំណាក់មហាជនយ៉ាងណា កន្លងមកក៏តារាចម្រៀងរូបនេះមិនដែលអើពើនោះឡើយ ដែលមើលទៅហាក់ដូចជារឿងធម្មតាសម្រាប់រូបគេ។ ទោះបីជាយ៉ាងណា នាយ ចឺម បានចេញប្រតិកម្មជាលើកដំបូងចំពោះការចោទប្រកាន់របស់មហាជន ដោយស្នើឲ្យបញ្ឈប់រាល់ការចោទប្រកាន់មកលើរូបនាយ ព្រោះគ្មាននរណាបានដឹងច្បាស់ពីស្ថានភាពរបស់ពួកគេ ក្រៅពីរួបពួកគេឡើយ...
Vj រតនា រំលឹកប្រវត្តិបរាជ័យ ត្រូវគេមើលងាយយ៉ាងខ្លាំង
អតីតពិធីករ CTN គឺលោក VJ រតនា បានចេញមុខទម្លាយពីប្រវត្តិធ្លាក់ដល់បាតដី ក្រោយទទួលបរាជ័យលើមុខជំនួញលើកដំបូង សូម្បីបងប្អួនក៏គេមិនមើលមុខ។ តារាសម្តែង និងជាពិធីករ VJ រតនា ក្រោយពីរៀបអាពាហ៍ពិពាហ៍ជាមួយអ្នកសិល្បៈដូចគ្នាជាមួយអ្នកនាង លឹម លីហ្សា រួចមកលោកបានឃ្លាតឆ្ងាយពីសិល្បៈ ងាកទៅកសាងជីវិតគ្រួសារយ៉ាងសាមញ្ញ ដោយចាប់របររកស៊ីជំនួសអាជីពសិល្បៈវិញ។ ក្នុងនោះគេសង្កេតឃើញប្ដីប្រពន្ធអ្នកទាំងពីរខិតខំលក់ទំនិញអនឡាញមិនគិតថ្ងៃយប់ឡើយ។ ទោះបីជាយ៉ាងណា អ្វីដែលប្រិយមិត្តបានឃើញត្រឹមតែភាពជោគជ័យដែលពួកគេបានបង្ហាញប៉ុណ្ណោះ។ ប៉ុន្តែនៅក្រោយខ្នងភាពជោគជ័យនេះ គឺបង្កប់ដោយភាពបរាជ័យជាបន្តបន្ទាប់ស្ទើរតែងើបលែងរួចទម្រាំទទួលបានលទ្ធផលដូចសព្វថ្ងៃនេះ។ VJ...
ឪពុកជាមន្ត្រីជាន់ខ្ពស់ចេញមុខប្រតិកម្ម ក្រោយបុរសម្នាក់ប្រៀបធៀបបេក្ខជន ថុល សុភិទិ ទៅក្មេងញៀ.នថ្នាំ
ថ្មីៗនេះនៅលើបណ្ដាញសង្គមមានការចាប់អារម្មណ៍យ៉ាងខ្លាំង បន្ទាប់ពីបុរសម្នាក់ដែលមានគណនី Tik Tok ឈ្មោះ panha9999 បានធ្វើវីដេអូនិយាយពីស្នាមសាក់របស់បេក្ខជន Cambodian idol ថុល សុភិទិ ដោយបានប្រៀបប្រដូចបេក្ខជនរូបនេះថា អតីតកាលអាចជាក្មេងញៀនថ្នាំ ក្មេងរើសអេតចាយតាមចិញ្ចឹមផ្លូវ និងគ្មានឪពុកម្ដាយប្រដៅជាដើម ។ វីដេអូនោះត្រូវបានចែករំលែកជាច្រើននៅលើបណ្ដាញសង្គម Tik Tok និងហ្វេសប៊ុក ខណៈការរិះគន់ឆ្លើយទៅបុរសខាងលើក៏ច្រើនដូចទឹកបាក់ទំនាប់ ។ ដោយអ្នកប្រើប្រាស់បណ្ដាញសង្គម ពិសេសអ្នកស្រលាញ់ចូលចិត្ត...