តារាស្រីថៃល្បីឈ្មោះPinkyជាប់ពន្ធនាគារករណីឆបោកប្រាក់ជាង៥៣លានដុល្លារគ្មានការធានាខ្លួននៅក្រៅឃុំ

ក្រុមគ្រួសារតារាស្រីថៃល្បីឈ្មោះ នាង Savika Chaiyadej ឬនាង “Pinky” មានរូបនាង និងអ្នកម្តាយរបស់នាងគឺលោកស្រី Sarinya Chaiyadej ហើយនិងបងប្រុសរបស់នាងលោក Surayuth Chaiydej ត្រូវប៉ូលីសថៃចាប់ខ្លួនបញ្ជូនទៅពន្ធនាគាកាលពីថ្ងៃព្រហស្បតិ៍ ពាក់ព័ន្ធនឹងករណីឆបោកលុយតាមគម្រោង Forex-3D ។ ពួកគេទាំង៣នាក់នេះ ស្ថិតនៅក្នុងចំណោមមនុស្ស១៩នាក់ដែលប៉ូលីសថៃបានចាប់ខ្លួនកាលពីថ្ងៃព្រហស្បតិ៍។

ចំពោះករណីឆបោក របស់តារាស្រីថៃ នាង “Pinky” រូបនេះផងដែរ តុលាការថៃ បានបដិសេធមិនអោយមានការបង់ប្រាក់ធានាខ្លួនពួកគេ នៅក្រៅឃុំជាបណ្តោះអាសន្ននោះឡើយដោយបារម្ភថា ពួកគេទាំងអស់គ្នានឹងរត់គេចខ្លួន ពេលបានចេញនៅក្រៅឃុំ។

តារាស្រីថៃនាងPinky លោកស្រី Sarinya ជាម្តាយ និងលោក Sarayuth ជាបងប្រុស ត្រូវចោទប្រកាន់ទោសល្មើសនិងច្បាប់ឧក្រិដ្ឋកម្មកំព្យូទ័រសម្រាប់ការវិនិយោគរបស់ពួកគេក្នុងគម្រោងបោកប្រាស់ Forex-3D។ តាមគម្រោងបោកប្រាស់លុយនេះ ពួកគេត្រូវបញ្ចុះបញ្ចូលមនុស្សទាំងឡាយអោយដាក់លុយវិនិយោគតាមគេហទំព័រ«forex-3d.com» ដោយអះអាងថាអ្នកដែលបានដាក់លុយវិនិយោគនឹងទទួលបានប្រាក់ចំណេញ៦០ភាគរយ ទៅ៨០ភាគរយពីការវិនិយោគលុយរបស់ពួកគេ។ ប៉ុន្តែនៅពេលអ្នកទាំងនោះដាក់ប្រាក់វិនិយោគ ពួកគេមិនទទួលបានប្រាក់ចំណេញទៅតាមការសន្យាឡើយ។

អាជ្ញាធរថៃអោយដឹងថា មនុស្ស១៤ ០០០នាក់ បានផុងខ្លួនធ្លាក់ក្នុងគម្រោងបោកប្រាស់លុយនេះ ដែលមានទឹកប្រាក់សរុបគឺ១,៩ពាន់លានបាត ឬស្មើនិងជាង៥៣លានដុល្លារ។ កាលពីខែតុលា ឆ្នាំ២០១៩ ទីភ្នាក់ងារស៊ើបអង្កេតពិសេសរបស់ប្រទេសថៃ បានចាប់ផ្តើមធ្វើការស៊ើបអង្កេតលើគម្រោងបោកប្រាស់លុយ Forex-3D បន្ទាប់ពីទទួលបានបណ្តឹងពីអ្នកវិនិយោគម្នាក់ដែលអះអាងថា គម្រោង Forex-3D គឺជាគម្រោងបោកប្រាស់។ ពាក់ព័ន្ធនឹងករណីនេះ តារាសិល្បៈល្បីៗមួយចំនួនទៀតនៅ ក្នុងប្រទេសថៃ ត្រូវបានកោះហៅផ្តល់ចម្លើយ រួមជាមួយស្ថាបនិក ហើយនិងនាយកប្រតិបត្តិគម្រោងForex-3D ផងដែរ។

តារាស្រីថៃល្បីឈ្មោះ នាង Savika Chaiyadej ឬនាង “Pinky” ប្រឡូកក្នុងពិភពសិល្បៈថៃតាំងពីនាងនៅក្មេងវ័យ។ នាងធ្លាប់សម្តែងជាតួអង្គនាងផ្កាយព្រឹកកាលពីនៅវ័យក្មេង។ នៅពេលនាងពេញវ័យរៀបការ នាងក៏បានរៀបការជាមួយ មហាសេដ្ឋីលំដាប់ប្រទេស លោក Petch Itti Chawalittamrong កាលពីឆ្នាំ ២០១៤ ក្នុងពិធីរៀបការដ៏ធំដុំអធិកអធិមកក្រើក ប្រទេស ថៃចំណាយ អស់ ប្រាក់ ជាង ៩លាន ដុល្លារ ។ ប៉ុន្តែ អ្វី ដែល ធ្វើ ឲ្យ មហាជន មិន នឹកស្មាន ដល់ គឺ តារា ស្រី រូប នេះ និង ស្វាមីបែរ ជា សម្រេចចិត្ត លែងលះ គ្នា ក្រោយ រួមរស់ ក្រោម ដំបូល ផ្ទះ តែ មួយ ជាមួយគ្នា អស់ រយៈ ពេល ជាង ៣ ឆ្នាំ។

មូលហេតុ ដែល អ្នក ទាំងពីរ លែងលះ គ្នា គឺ ដោយសារ តែ ហេតុផល ជា ច្រើន ទើប ទ្រាំ រស់នៅ ជាមួយគ្នា មិនបាន។ តារា ស្រី រូប នេះ បាន បន្ថែម ទៀត ថា ពួកគេ ពិត ជា មិន អាច បន្ត កាន់ ដៃ គ្នា ដើម្បី ឆ្លងកាត់ ឧបសគ្គ ទៀត ទេ។ ក្រោយមក Pinky ក៏ បាន វិល ចូលវិស័យសិល្បៈវិញ៕

Leave a Reply

Your email address will not be published. Required fields are marked *