លោកឧកញ៉ា លឹម ប៊ុនសេង និងលោកជំទាវឧបត្ថម្ភដល់គ្រួសារស.ពកុមារទាំង១១នាក់ ក្នុង១គ្រួសារចំនួន១លានរៀល

ដោយមើលឃើញពីការលំបាក និងជាទឹកចិត្តដ៏ប្រពៃ ក្នុងស្មារតីនៃការជួយគ្នាក្នុងគ្រាលំបាក លោកឧកញ៉ា លឹម ប៊ុនសេង និងលោកជំទាវបានឧបត្ថម្ភដល់គ្រួសារសពកុមារទាំង១១នាក់ ដែលបានបាត់បង់ជីវិតក្នុងឧបទ្ទវហេតុលិចទូកចម្លង នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ក្នុង១គ្រួសារថវិកាចំនួន១លានរៀល ដើម្បីសម្រួលដល់ការលំបាក និងរៀបចំពិធីបុណ្យសព។

នេះបើតាមខ្លឹមសារបង្ហោះលើបណ្ដាញសង្គមរបស់លោកឧកញ៉ា ហេង ឡុង នៅមុននេះបន្តិច។ លោកឧកញ៉ា ហេង ឡុង បានសរសេរថា៖ “លោកឧកញ៉ា លឹម ប៊ុនសេង និងលោកជំទាវ  រួមទាំងក្រុមគ្រួសារសូមឧបត្ថម្ភគ្រួសារជនរងគ្រោះ ដែលបានទទួលមរណាភាព១១គ្រួសារ ដោយហេតុការណ៍លិចទូកនៅខេត្តកណ្ដាលក្នុង១គ្រួសារ១លានរៀល”។

សូមបញ្ជាក់ថា មានករណីលិចទូកដចម្លងដ៏រន្ធត់មួយ បានកើតឡើងកាលពីល្ងាចថ្ងៃទី១៣ ខែតុលា ឆ្នាំ២០២២កន្លងទៅនេះ នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ដែលបានបណ្ដាលឲ្យសិស្សានុសិស្ស១១នាក់បាត់បង់ជីវិត បន្សល់ទុកនូវការសោកស្ដាយ និងទុក្ខសោកសង្រេងសម្រាប់ឪពុកម្ដាយ និងក្រុមគ្រួសារទាំងមូល។ សព្វរបស់សិស្សានុសិស្សទាំងនោះ ត្រូវបានស្រង់ពីទឹក និងតម្កល់ធ្វើបុណ្យរូមគ្នានៅក្នុងវត្តមួយនាភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល។

សពជនរងគ្រោះត្រូវបានធ្វើពិធីឈាប្បនកិច្ចនារសៀលថ្ងៃទី១៤ ខែតុលា ឆ្នាំ២០២២នេះ។ បើតាមព្រះគ្រូចៅងធិការវត្ត ភាគច្រើននៃជនរងគ្រោះដែលបានបាត់បង់ជីវិតនោះ ជាគ្រួសារក្រីក្រ ដែលមានម្ដាយធ្វើការរោងចក្រកាត់ដេរ និងឪពុកធ្វើស្រែចម្ការបន្តិចបន្តួចប៉ុណ្ណោះ។ ពោលគឺឪពុកម្ដាយរបស់ពួកគេមានជីវភាពខ្វះខាត ហើយព្រះអង្គបានមានថេរដិកាអំពាវនាវដល់សប្បុរសជនជិតឆ្ងាយជួយដល់ក្រុមគ្រួសារឪពុកម្ដាយនៃជនរងគ្រោះផង ព្រោះពួគេបាត់បង់កូនដែលជាទីពឹងនៃគ្រួសារនាអនាគត៕

 

 

Leave a Reply

Your email address will not be published. Required fields are marked *